التخطي إلى المحتوى
ننشر قواعد درجات الرأفة وشروط استحقاقها لطلاب جامعة الأزهر

اعلنت كلية التربية بنات باسيوط جامعه الازهر قواعد درجات الرأفة وشروط استحقاقها لطلاب جامعة الأزهر واليكم نص الاعلان

أعزائي طلاب كليات التربية بجامعة الأزهر ننشر لكم معلومات تهمكم عن نتيجة التيرم الأول
نتيجة التيرم الأول هي نتيجة استرشادية فقط بمعنى
١- لو حضرتك نجحت يبقى تمام ألف مبروك.
٢- لو حضرتك معاك مادة أو أكتر دا مش معناه إنك روحت ف داهية؛ لأ خالص لأن المادة دي ممكن تترفع بدرجات الرأفة اللي تستحقها.


ما هي درجات الرأفة وشروط استحقاقها؟


قبل ما نقول درجات الرأفة أنت تستحق ٢% من مجموع درجات المادة رفع تلقائي يعني المادة اللي من ١٠٠ درجة تنجح فيها من ٤٨ والدرجتين علينا احنا ياعم إيه رأيك؟


قواعد استحقاق درجات الرأفة فى جامعه الازهر


حضرتك تستحق ١% من المجموع الكلي للدرجات يعني لو المجموع النهائي ١٥٠٠ يبقى حضرتك تستحق ١٥ درجة رأفة تاخد منهم في مادة واحدة أو أكتر أو حتي في المجموع الكلي لتحسين حالتك  لكن بشروط:
أولاً: ماينفعش تاخد في المادة الواحدة أكثر من ١٠% من مجموعها يعني لو المادة من ١٠٠ وانت جايب فيها ٤٠ يبقى تاخد ١٠ من الرأفة وتنجح
أما لو حضرتك جايب فيها ٣٩ يبقى معلش نشوفك بيها السنة الجاية
ثانياً: علشان تاخد درجات الرأفة لازم الدرجات دي تغير حالتك بمعنى لو انت راسب تنجح صافي أو بمادتين بعد ما تاخدها. أو لو ناجح بمواد تنجح صافي بعد ما تاخدها.
ثالثاً: تستحق درجات الرأفة كاملة على المجموع الكلي بشرط يتغير تقديرك من مقبول لجيد أو من جيد لجيد جداً وهكذا.


طيب هل درجات الرأفة ودرجات الرفع التلقائي يضافوا للمجموع الكلي؟

لأ طبعاً لأن الطالب المحترم اللي مابينجحش بالرأفة كدا هايتظلم.
طيب درجات الرأفة والرفع التلقائي تاخدها في كام مادة؟
يجوز اخذ درجات الرأفة حتى لو في ١٠ مواد بس بالشروط السابق ذكرها.
دمتم ناجحين وموفقين من غير رأفة

تنبيهات إضافية
لايجوز الجمع بين الرفع التلقائي ودرجات الرأفة في المادة الواحدة


بالنسبة للتقديرات لكلية التربية جامعه الازهر باسيوط


من ٠ حتى ٢٩% ضعيف جدا
من ٣٠ حتى ٤٧% ضعيف
٤٨ و ٤٩ رفع تلقائي الى ٥٠
من ٥٠ حتى ٦٤% مقبول
من ٦٥ حتى ٧٤% جيد
من ٧٥ حتى ٨٤% جيد جدا
٨٥ حتى ١٠٠% ممتاز

تابعنا على مواقع التواصل الإجتماعي ليصلك كل جديد :
Content Protection by DMCA.com

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إقرأ أيضا : البرلمان يستقر على جهاز البصمة لمنع تزويغ المعلمين والطلاب من المدارس